Nýtt ár að nálgast

Þá er síðasti vinnudagurinn á árinu kominn. Mér finnst árið hafa þotið áfram og svo margt búið að gerast. Ég hætti hjá Icelandair og fór til Gutenbergs, brúðkaupið hennar Rósu í Egyptalandi sem við Ingó fórum í ásamt frábærum hópi manna og kvenna, nú fermingin hennar Ástu minnar, pabbi varð 80 ára, Margrét og Friðrik fermd, Láki frændi 70 ára, Kristín og Siggi giftu sig, Ingigerður varð 30 ára og við Ingó fórum með henni og Sigtryggi til Amsterdam á Police tónleika sem við gleymum seint og svo mætti lengi telja. Kannski verður maður meirari með aldrinum en maður hættir að taka öllu sem gefnum hlut og fer að læra að njóta þess sem maður hefur. Ég held að ég verði að teljast með heppnari manneskum í þessum heimi. Ég á yndislegan mann og yndisleg börn og fjölskyldan mín er það dýrmætasta í þessum heimi. Við eigum þak yfir höfuðið og raunverulega allt til alls. Ég á bestu stórfjölskyldu í heiminum sem stendur við bakið á mér sama hvað á gengur og ég á ógrynni af bestu vinum sem segja mér endalaust hvað ég er þeim mikils virði. Hvað getur maður beðið um meira? Ég þakka ykkur öllum fyrir að vera í lífi mínu og gera það þess virði að lifa því og ég hlakka til að eyða tíma með ykkur á árinu 2008.

Linda mín kíkti inn hjá mér í gær og stoppaði í um klst. Ég hef lítið getað hitt hana síðan hún kom heim þar sem mér tókst að drekkja mér í jólaundirbúningi og öðru stressi tengdu jólum. Það var frábært að hitta hana og við áttum mjög skemmtilegt og áhugavert spjall í gær. Vona að ég nái að hitta hana og Ása mun meira í janúar en núna í des. Krakkarnir fóru í bíó með Auði og Björk og við Ingó fórum í mat til Ingigerðar og Sigtryggs. Þó voru það ekki þau sem buðu heldur Yuki sem eldaði japansk curry handa okkur. Það var alveg rosalega gott ummm takk fyrir okkur. Einar Haruka er rétt 2ja ára gamall og hann er ekkert smá sætur bablandi smá íslensku og svo japönsku í bland. Árni bróðir Ingigerðar var þarna líka og það var rosa gaman að hitta þau öll. Svo eftir bíó komu Ásta, Auður og Guðný til okkar og þá fékk Einar nú alla athyglina sem hann vildi fá og lét þær stelpur snúast um sig. Gaman að vera í góðra vina hópi.

Planið er að fara norður á morgun reyndar er mamma með einhverjar hjartsláttartruflanir svo ég er að bíða eftir að fá að vita meira um það, kemur allt í ljós seinna í dag.

Annars held ég að við séum bara að loka snemma hér í dag og drífa okkur inn í helgina.

Gleðileg jól

Gleðileg jól elskurnar mínar. Þakka fyrir allar hlýjar kveðjur sem ég og fjölskylda mín fékk um jólin og eins alla pakkana sem okkur bárust. Ég er búin að vera svo á haus í desember að ég hef ekki gefið mér tíma í að blogga og verð að fara að bæta úr þessu. Við tókum fullt af myndum á aðfangadag og kannski ég komi mér í að setja þær inn í kvöld. En svona smá upprifjun á því sem er búið að vera að gerast. Á föstudaginn 21 skrapp ég í hádeginu í lunch með Ingigerði og Vigdísi á Vegamót. Mér til mikillar ánægju mætti Yuki mágkona Ingigerðar með Einar litla með sér. Hann er nýlega orðin 2ja ára og mesta krútt í heimi. Hann skilur alla íslensku þó svo hann tali bara japönsku alveg rosalega sætur krakki. Nú við hættum öll kl 2 í vinnunni og lokuðum búllunni sem var dásamlegt. Ég fór því næst á Kringluflakk með Ástu og er búin að fá nett nóg af verslunarmiðstöðvum eftir þessa jólatörn. Ég hringdi svo í Himma vin okkar sem við því miður höfum alltof lítið samband við og undan farin ár hefur það bara verið á aðfangadag í kringum miðnætti sem hann hefur komið og kíkt á okkur. Í fyrra klikkaði það hann kom ekki og það var bara hræðilegt svo ég hrindi í hann til að vera viss um að hann kæmi og mikið var gaman að heyra í honum. Nú um kvöldið var afmæli tengdó og við Ingó mættum með krakkana þangað um hálf 9. Þar var mætt allt sama liðið og kemur venjulega og þetta var voðalega huggulegt. Hún fékk fullt af gjöfum og var bara alsæl með þetta allt. Elín Hjörleifs frænka hennar gaf krökkunum okkar eitthvað stríðnisdót sem hitti vel í mark hehe... Nú svo var Ingó að spila á Players og ég fór með honum þangað. Það var bara fínt Unnur hans Kidda kom þangað og við dönsuðum aðeins, bandið var gott og það var gaman að horfa á manninn minn spila.

Nú á laugardaginn sváfum við svo bara út og svo var jólastúss og um kvöldið skreyttum við tréið sem var ótrúlega fallegt hjá okkur. Á þorláksmessu keyrði ég Ástu til Eddu Láru frænku sinnar sem kom frá London kvöldið áður. Stoppaði aðeins og kjaftaði við Gyðu mömmu hennar en fór svo heim því Ingó var að spila hjá Sævari Karli milli 3 og 5 með Softones. Ég keyrði hann þangað enda ekki séns að fá stæði í bænum á þessum degi. Svo fór ég á ótrúlegt jólastúss og keypti og kláraði bara sem ég gat fyrir jólin. Sótti svo Ingó rúmlega 5 og við fórum heim og hann komst í ham við að laga til. Planið var að hitta Ingigerði ásamt Sigtryggi, Árna bróður hennar og Yuki niðri í bæ um kvöldið en svo vildi Ingó bara vera heima að tala til svo ég fór í Kringluna að klára að versla. Ásta fór í boð til Stefáns föðurbróður síns sem tók óvænta U-beygju þegar Stefán og Rebekka giftu sig. Ég kláraði að kaupa og fór þvínæst til Sellu og sótti leyfar af tertum eftir afmælið, sótti svo Ástu og fór svo til Lindu sem var með eina gjöf fyrir mig handa Guðnýju sem keypt var úti. Við Ásta stoppuðum um stund þar og það var voða huggulegt þau hjónin bara farin að bíða eftir jólunum. Þegar heim kom var Ingó búin að taka mikið til og við áttum góða stund saman fram eftir nóttu.

Aðfangadagur rann upp ljúfur og fagur og ég upp í Kringlu þar sem ég hafði fattað kvöldið áður að afgreiðslustúlkan í Kiss hafði gleymt að láta eitt af því sem ég keypti í pokann hjá mér. Ég brunaði uppeftir og fékk þetta og svo strax heim. Arndís kom stuttu seinna og náði í jólakortið sitt kíkti í 2 mín með Birnu Rún var á leið til mömmu sinnar. Sella kíkti inn ekki leist henni á draslið í stofunni hjá mér en það var sko allt horfið þegar hún mætti um kvöldið. Ég henti kalkúninum í ofninn og undirbjó hitt og þetta og við Ingó vorum á fullu að tala til og gera fínt. Um 3 leytið fór ég og hitti Erin og náði í ipodinn sem Nicholas kom með frá NYC fyrr um morgunin. Diddi kíkti þangað líka og ég náði að smella á Stínu frænku jólakossi áður en ég fór. Því næst fór ég á Grenimel og náði í pakkana frá Áslaugu systur og hitti Sigyn mágkonu og Eirík hinir í baði eða að taka sig til. Kvöldið var alveg yndislegt hjá okkur, maturinn góður þó ég segi sjálf frá og bara allt svo hátíðlegt og yndislegt. Ingigerður kíkti inn rétt áður en við fórum að borða hún var að koma úr messu og náði í pakkana sína áður en hún fór út í Garðabæ til mömmu sinnar og pabba gaman að sjá hana rétt aðeins. Krakkarnir voru svo góð og skemmtilegt þetta kvöld og allir fengu fullt af flottum pökkum. Ég fékk hálsmen, eyrnalokka og armband frá Ingó ásamt silfurlituðum kjól með belti og bókina Þúsund bjartar sólir. Ég gaf honum gallabuxur og skyrtu, Hugo Boss rakspíra og hring. Þar að auki fengum við helling af gjöfum og þökkum kærlega fyrir það. Ég tek nú kannski myndir af þessu við tækifæri og set á bloggið. Hann Himmi okkar mætti svo rétt um hálf 12 og mikið var nú gaman að hitta hann aftur eftir 2ja ára aðskilnað. En nú bætum við úr því því við Ingó ætlum að vera rosalega dugleg að hitta vini okkar á nýju ári er það ekki Ingó :-). Hann sat hjá okkur fram undir hálf 2 og ég kom krökkunum í rúmið. Þegar hann var farinn vorum við Ingó enn í góðum gír og settum 2 ein niður í stofu og nutum þess að vera í friði og ró. Ingó fór svo að spila fyrir mig á ipodinum fullt af lögum sem honum finnast flott og þegar varð hinn besti endir á yndislegu kvöldi.

Á jóladag var sko sofið út held að klukkan hafi verið um hálf 2 þegar við fórum á fætur. Við Ingó drifum í að þvo upp og krakkarnir fóru að skoða dótið sitt. Svo voru borðaðar leyfar og bara haft það gott. Veðrið var frekar leiðinlegt hríðaði og skyggni lélegt. Ég keyrði Ástu í sitt árlega jólaboð með föðurfjölskyldunni og fór svo og sótti Erin og fjölskyldu og við fórum öll til Þorgerðar sem fagnaði 36 ára afmæli sínu þennan dag. Þar var ósköp kósý eins og venjulega enda orðinn árviss viðburðu að mæta til hennar á þessum degi. Ég var svo komin heim um 7 leytið og þær Ásta og Edda Lára þá líka komnar og við fórum því næst öll til tengdó í hangikjöt. Sátum þar frameftir og horfðum á tv og svo heim með liðið. Við Ingó fórum að horfa á Bridget Jones og borða konfekt nóg af því um jólin hehe...

Í gær komu svo Maddý, Einar, Þorgerður og hennar lið í kalkúnaleyfar. Þetta er orðin árviss hefð hjá okkur og var alveg rosalega kósý. Svo kom Malla í kaffi með strákana og Ássý frænka kíkti líka og dagurinn var bara mjög góður. Ásta gisti hjá Heiði í nótt og þau litlu fóru til tengdó svo við hjúin fengum að vera ein tvö í friði. Skelltum okkur í bíó á The Golden Compass kl 8. Skemmtileg ævintýramynd og fínt að fá að vera bara tvö saman. Þegar myndin var búin fórum við heim til Ingigerðar og Sigtrygg og kjöftuðum fram undir kl 1. Lubbi ekkert smá glaður að sjá okkur og frekar sorgmæddur þegar við fórum heim.

Ég er svo mætt til vinnu í dag eitthvað er nú frekar rólegt og jafnvel verið að tala um að loka kl 2 á morgun ég vona að svo verði. Rauði bíllinn okkar er eitthvað bilaður ég keyrði hann hingað í morgun og það var eins og hann væri í handbremsu allan tímann og svo þegar ég ætlaði heim með hann um kl 9 til að Ingó gæti notað hann þá bara gekk það ekki og hann er fastur hér á stæði fyrir utan. En við erum komin á annan bíl líka Opel Zafira 7 manna fengum hann á rosa góðu verði 375þ árgerð 2000 rosa vel með farinn og ætlum að koma honum á vetrardekk á eftir. Væri til í að vera heima í dag en tek líklega 2 daga í frí í næstu viku. Langar að eiga aðeins meiri tíma með fjölskyldunni. Set svo myndir inn vonandi í dag þangað til hafið það sem allra best.

jólin að koma

Jæja nett jólastress búið að vera í gangi síðustu daga. Kannski afþví að ég var ekki búin að gera allt á þeim tíma sem ég ætlaði mér. Hugsa alltaf nú verð ég snemma í því en það gerist bara ekki hummm... Nú hvað er helst að frétta jú í dag loksins eftir að vera gengin rúmlega viku framyfir eignaðist hún Svanhildur mágkona mín og hann Sigurður bróðir minn son. Hann var rúmlega 4000g og 53cm og ég sendi þeim mínar bestu kveðjur og hlakka til að fá myndir.

Nú Ingigerður og Sigtryggur komu í mat um síðustu helgi og við spiluðum ásamt þeim Guðnýju og Ástu nýja Party og co spilið það var meiriháttar gaman. Svo vorum við Ingigerður og Ásta í sörubakstri á laugardaginn og skemmtum okkur vel. Ingigerður gerði meira að segja jólaís handa okkur svo nú erum við vel undirbúnar. Á sunnudaginn keypti ég allar gjafir sem áttu að fara norður og það var maraþondagur ekki gaman í roki og rigningu. Nú svo er Ásta búin að vera í prófum svo einhver tími hefur nú farið í það. Svo kom Erin með krakkana á laugardaginn og ég náði í hana á mánudagskvöldið til þess að fara í konfektgerð hjá Möllu. Kíkti inn hjá Stínu frænku í leiðinni og sá bæði Óðin og Kæju ekkert smá sætir krakkar. Þær systur voru allar í konfektgerð og við áttum mjög skemmtilegt kvöld. Ég er búin að kaupa næstum allar jólagjafir á bara eftir að klára börnin mín og eitthvað smá meira. Í gær fórum við Ásta í Kringluna og keyptum jólakjól á hana en Sella gaf Guðnýju föt og Úlfi líka svo ég slapp við það nóg kostar þetta samt. Nú svo var stelpnaboð hjá henni heima hjá okkur í gær þá komu allar stelpurnar úr bekknum nema eins sem komst ekki svo þær voru 8. Þær mættu með nammi og kökur með sér og spiluðu og skemmtu sér og höfðu gaman.

Í dag erum við með litlujól hér í vinnunni byrjar kl hálf 5 það verður bara voða gaman. Svo er stefnt á að hætta snemma á föstudaginn en þann dag á tengdó einmitt afmæli. Svo er loka á aðfangadag og gamlársdag vegna þess að í samningum bókagerðarmanna eru þetta frídagar svo það er lítið fyrir okkur að gera hér sem ekki tilheyra þeirri stétt þar sem við getum hvort sem er ekkert gert þegar þetta lið er í burtu. Jólakortin eiga að fara í póst í dag/morgun koma þá bara aðeins of seint það gerir ekkert til.

Nú ég gleymi vorum með jólasaumó um daginn heima hjá Þorgerði, Fjóla tók nokkrar myndir og sendi á mig en við vorum allar eins og bjánar svo þær verða ekki birtar hér haha.

Nú er Heiðrún mín komin til Kanarý væri alveg til í að vera með henni þegar ég horfi á rigninguna út um gluggann minn.

Mikið sakna ég Brynju minnar, Ingveldar og Rósu í dag ég væri svo til í að vera að fara á kaffihús með þeim á eftir bara til að kjafta og slappa af. Sakna þess að vera ekki að fara í afmæliskaffi í Ásabyggðina þann 1 jan í 36 ára afmæli Rósu ómæ stelpur við erum að nálgast árin 40 hægt og bítandi hehe en samt alltaf svo flottar og ungar.

Sakna hennar systur minnar í Þýskalandi vildi hafa hana mér nær, Áslaug koss og knús til þín.

Svo keypti ég 6+kg af kalkúni þar sem ég reikna með Þorgerði og co ásamt Maddý, Einari og Ássý í leifar þann annan í jólum. Eins gott að þið mætið annars verð ég að borða þetta fram að páskum hehe...

Langar að klára sem mest í dag/morgun og eiga helgina í fríi bara til að borða smákökur og vera með manninum mínum og börnum. Ingó er á Players á föstudaginn og ég ætla að skella mér með honum hann er svo flottur við settið, lang flottastur híhí...

Jæja núna er ég hætt þessu í bili koss og knús til allra sérstaklega til þeirra sem eru svo langt í burtu frá mér.

Jólin nálgast

Jæja ég ætlaði að vera búin að kaupa allar gjafir og gera öll kort á þessum tíma en eins og venjulega þá er ég ekki búin að því. En vitið þið hvað ég ætla heldur bara ekkert að stessa mig yfir því ég fer í það núna næstu daga að klára gjafirnar og kortin fer ég að gera í vikunni og þetta reddast allt. Ingó minn er búinn að skila af sér öllu varðandi kennslufræðina og ef það hefur blessast þá er hann bara búinn. Ásta er í prófi í dag og morgun svo ætti hún að fara að sleppa.

Helgin var góð, fengum Ingveldi, Simma og börn, Lindu, Ása og dætur og Lólu og Hrafnhildi í mat á föstudaginn. Það var alveg frábært að hitta þau öll vantaði bara Rósu mína og Brynju til að þetta væri fullkomið. En við áttum notarlega kvöldstund saman, Linda nýkomin heim og Ingveldur gengin upp að hnjám í búðum hehe.. Lóla alltaf í stuð :-). Nú Ingó átti að vera í fríi alla helgina en viti menn hringir ekki Bergur úr Buffinu í hann og biður hann að koma og spila með sér og Pétri á Amsterdam jibbí jei mikið varð ég glöð eða.. Á þessum blessaða stað er spilað frá kannski 3 hálf 4 og til 6 á morgnana svo ég var ekki að hoppa yfir þessu. En peningur er peningur eins og mér var vandlega bent á svo hann fór. Ég keyrði hann um kl 1 niður eftir og ætlaði bara aðeins að líta inn með honum fara svo heim og sækja hann þegar hann væri búinn og róta trommunum í bílin. En nei þegar ég kem þangað hverjir eru þá mættir aðrir en þeir tvíburar Freyr og Geir, síðar mættu þeir Gunni Sig og Rögnvaldur gáfaði og þar með var ég komin á svaka kjaftatörn og kl orðin 4 áður en ég vissi af og þá tók því ekki að fara. Þar fyrir utan mætti hann Fúsi hennar Arnhildar og við bara héngum saman allt kvöldið. Og til að toppa þetta allt þá hitti ég hann Denna fyrrverandi hennar Affíar svo þetta varð ansi áhugavertkvöld og eftir ball rótuðum við og vorum ekki komin í rúmið fyrr en hálf 8 um morgunin.

Nú á laugardaginn var svo jólahlaðborð á salatbarnum hjá honum Ingvari. Allt Greifagengið mætti þangað því okkur var boðið og þeir spiluðu eftir matinn fyrir gestina. Maturinn bara æðislegur eins og alltaf hjá Ingvari og ég búin að bíða síðan í fyrra eftir að fá koníaksbættu lifrarkæfuna hans sem er himnesk og ég varð ekki fyrir vonbrigðum frekar en í fyrra. Það komu allir nema Gunni Hrafn sem var að vinna á Herjólfi og fastur í Eyjum. Gunna hans Bjössa kom eftir Bjögga tónleikana og Beta koma aðeins seint líka. Þetta var bara alveg rosalega fínt kvöld gaman að hitta alla og enduðum á að fara ásamt Vidda og Hugrúnu heim til Jóns Inga og Rannveigar og sátum þar til kl að verða 2 þá heim.

Í gær var ég að versla og reyna að klára eitthvað sem ég á eftir að gera. Var frekar þreytt eftir helgina og svo var Ásta að læra undir próf sem er nú ekki gaman. Vona að vikan verði bara næs og bíð spennt eftir að lítill frændi eða lítil frænka komi í heiminn hjá þeim Sigðurði og Svanhildi en hún er skrifuð í dag. Gangi þér vel elsku mágkona.

Ég er heppin því í lífi mínu er lítill gullmoli sem svo oft tekur utan um mig og segist elska mig. Hann er sá blíðasti sem ég þekki og kemur endalaust og segir við okkur að við séum bestu foreldrar í heimi. Stundum langar mig að halda honum endalaust og knúsa hann. Hann er oft mjög fullorðinn í málfari sínu en samt svo mikið litli sonur minn. Hann hefur veitt mér endalausa gleði í gegnum tíðina og þann dag sem hann bættist í hópinn varð fjölskyldan fullkomin.

Úlfur á Spáni 2006

Ég er heppin því ég á fallega 10 ára dóttur. Daginn sem hún fæddist breyttist allt í lífi mínu og til að byrja með var ég ekki viss hvernig ég átti að taka á því. Þó hún sé músin litla í skólanum þá er hún með eindæmum sjálfstæð og dugleg. Hún var langfyrst af börnunum mínum til að byrja að mata sig og klæða. Hún er klár og skemmtileg og elskar að syngja. Hún elskar okkur pabba sinn meira en allt annað í heiminum og daglega fæ ég koss á kinn frá henni og hún segist elska okkur hvað getur móðir beðið um meira.

Guðný í ferðalagi upp í Seljahjallagil sumarið 2007

Ég er heppin því þegar ég var tvítug breytti lítið barn lífi mínu. Þetta litla barn er orðið ung stúlka í dag. Hún hefur alla tíð verði mjög ákveðin og vitað hvað hún vill en hún hefur líka alltaf verið mikill dundari og listamaður í sér. Hún er fyndin og skemmtileg en getur líka rokið upp en er yfirleitt fljót niður aftur. Mér þykir óendalega vænt um hana og ég vona að hún viti að það er ekkert sem ég myndi ekki gera til að passa upp á hana og vermda.

Ásta í Heiðmörk vetur 2007

Þetta eru ljós lífs míns og eftir því sem maður eldist gerir maður sér betur og betur grein fyrir því hvað skiptir máli og hvað ekki. Ég er rík það er nokkuð ljóst og ég myndi ekki vilja lifa mínu lífi án þeirra.

Spánn sumarið 2006

En það er fleira sem gerir mig ríka og hamingjusama í þessu lífi. Ég er heppin því ég á besta mann sem hægt er að eiga. Við erum búin að vera saman í næstum 14 ár og ganga í gegnum súrt og sætt. Hann er besti vinur minn í öllum heiminum og án hans er ég bara hálf manneskja. Það tekur mann stundum langan tíma að átta sig á hvað það er sem við raunverulega viljum og hver við raunveruleg erum en þegar við náum því markmiði er leiðin bara uppá við. Hann er ótrúlega þolinmóður við mig og hann er ótrúlega skemmtilegur og það besta er að við getum talað um allt. Með hann mér við hlið finnst mér ég getað sigrað heiminn. Ég elska hann af öllu hjarta og óska þess heitast að fá að eldast með honum.

Ingó í nóvember á Vélsmiðjunni á Akureyri

Ég og Ingó saman á leið í leikhús vetur 2007

Ég er líka heppin að eiga góða stórfjölskyldu, bestu vini sem hægt er að hugsa sér í öllum heiminum, þak yfir höfuðið og búa við kærleika og ást það er eitthvað sem við getum aldrei tekið sem sjálfsögðum hlut. Svo óska ég þess að þið hafið það sem best á aðventunni ég verð með kaffi á könnunni ef þið viljð líta inn og vona bara að sem flestir geri það.

Örstutt

Desember kominn og ég er búin að vera svo upptekin bæði í vinnu og heima að ég hef ekki haft tíma til að blogga. Til að stikla á stuttu þá er Ingó að klára lokaverkefnið sitt í kennslufræðinni og situr núna sveittur við það heima. Ásta er í prófum og Guðný tók eitt próf í þessari viku. Guðný er reyndar búin að vera meira og minna kvefuð og veik síðan við komum að norðan svo hún var heima næstum alla síðustu viku og inni í skólanum síðan. Ingó var að spila í brúðkaupi niðri í KSÍ á laugardaginn og ég hringdi því í Friðborgu hans Péturs og hún og krakkarnir komu í heimsókn á meðan þeir stilltu upp. Planið var að Ingó tæki svo Pétur með sér heim í kaffi og ég bakaði skúffuköku og við Guðný bökuðum bollur. Nú Unnur hans Kidda K kíkti aðeins á okkur en þurfti að fara áður en við drukkum. Nú til að gera langa sögu stutta þá bara kom Ingó með alla hljómsveitina með sér og allar konur þeirra líka og börn svo þetta var bara hið mesta stuð. Við gerum þetta alltof sjaldan það er nú málið. Hitti á Sigyn og Didda í vikunni hef ekki séð þau lengi og nú eru þau í Danaveldi að kaupa jólagjafir. Ingigerði hef ég ekki hitt síðan ég veit ekki hvað þetta er bara ekki hægt og nú fer hún til USA í dag og ég dauðöfunda hana!! hehe.... Kíkti á Lólu á laugardagskvöldinu og við horfðum á Bridget Jones no 2 og skemmtum okkur vel. Bekkjarkvöld hjá Úlfi í gær þar sem hann kynnti verkefnið sitt sem var um silunga vel við hæfi. ekki satt. Linda mín kemur heim frá Bretlandi í dag hlakka mikið til að hitta hana og svo vona ég að Ingveldur sé að koma um helgina hef reyndar ekki fengið það staðfest. Eignaðist fyrsta Munda design kjólinn minn í vikunni og er geðveikt flott í honum og ætla að taka mynd og setja hér á bloggið mitt.

Þið sem eigið eftir að gera jólakort þá er að opna jólakortavefur hjá okkur í Gutenberg kíkið inn á síðuna okkar www.gutenberg.is og þetta er stór sniðugt og kostar ekki svo mikið.

Annars er það bara að byrja að jólast og hafa það gaman sem byrjar þegar Ingó minn er búin að skila af sér ritgerðinni sinni. Gangi þér vel ástin mín!

Komin heim

Þá erum við komin heim eftir góða helgi á Akureyri í hörku frosti um 12 stig á sunnudaginn. Það var frábært að hitta alla sem við náðum að sjá en leiðinlegt að hafa ekki tíma til að sjá alveg alla. Á laugardagseftirmiðdaginn fórum við Ingó niður á hótel til strákanna. Ég stoppaði í um klst en Ingó varð eftir og fór út að borða með þeim á Greifann um kvöldið en ég fór til Affíar ásamt krökkunum og mömmu og pabba í svaka veislumat. Átti þar notalega stund áður en ég fór heim að taka mig til. Áður en ég fór niður í bæ að hitta manninn minn fór ég í heimsókn til Maddýjar móðursystur og skoðaði það sem hún keypti í USA og eins það sem hún fékk í sextugsafmælisgjöf. Síðan var ég mætt niður á hótel til strákana um hálf 11. Ingó var bara í rólegheitum með þeim að horfa á tv svo ég settist bara með þeim og við sátum og kjöftuðum framundir kl 12 en þá var mæting á Vélsmiðjuna. Það var troðfullt þegar við komum og svaka stemning og allir bara biðu eftir að bandið byrjaði. Ég var ein svo ég fór alveg fremst með myndavél og byrjaði að taka myndir því ég er orðin hirðmyndari hjá Spútnik. Afrakstur má sjá á www.sputnik.is bara nokkuð skemmtilegar þó ég segi sjálf frá. Hér koma nokkrar

Ingó sæti maðurinn minn

Við Ingó saman á Vélsmiðjunni erum við ekki sæt saman

Nú þegar ég var hætt að taka myndir þá vantaði mig einhvern til að dansa við og engan þekkti ég þarna svo ég vissi ekki alveg hvað ég átti að gera. En viti menn haldið þið ekki að hún Áslaug mín systir hennar Brynju hafi mætt á svæðið. Sá á blogginu að ég ætlaði að vera þarna sendi mér sms líklega á gamla númerið mitt fékk ekki svar en mætti samt. Áslaug perla þú reddaðir kvöldinu fyrir mér.

Áslaug og Þórdís mynd sérstaklega tekin fyrir Brynju okkar í Svíþjóð

Það er merkilegt að fylgjast með fólki á svona böllum. Í fyrsta lagi var eitthvað um útlendinga og þegar einn Pólverji var búin að reyna hvað eftir annað að fá mig á gólfið ítti ég honum frá mér. Þarna voru hópar saman sem höfðu verið þarna á jólahlaðborði og svo voru bara einstaklingar að skemmta sér. Fyndnastar voru the grúppís nokkrar tróðu sér beint fyrir framan sviðið og dilluðu sér ákaft þótt ekki væri fegurðinni fyrir að fara. Við Áslaug urðum að sjálfsögðu að taka þátt í þessum leik og tróðum okkur fremst þar sem ég fékk skemmtileg komment frá Kidda K allt kvöldið um hinar og þessar píur sem voru að dilla sér fyrir framan þá. Ein þeirra tók nú hreinlega bara súludans fyrir framan hann. Svo voru það píurnar sem héldu sér aðeins til hlés en mættu samviskusamlega bæði kvöldin í von um að vekja athygli á réttum stöðum sorry en tókst ekki enda okkar menn allir harðgiftir og það vel.

Nú við vorum ekki komin upp í rúm fyrr en um kl 6 þennan morgun og frekar þreytt bæði í gær þegar við vöknuðum um kl 1. Fórum þá á Búlluna og hittum Kidda K og Kein og fengum okkur að borða með þeim. Mamma hafði farið með þau litlu til Lillu í laufabrauð og leyft okkur að sofa. Síðan var farið á Vélsmiðjuna að róta í bílin og um 4 leytið rendum við af stað heim.

Nú ég var búin að lofa myndum úr Heiðmörk en þangað fórum við Ingó um daginn með krakkana í æðislegu veðri og hér koma þær. Ath allar listrænar myndir tók hún Ásta.

Ásta mín

Kalt í veðri en rosalega fallegt



Ótrúlega fallegt veður þennan dag











Guðný komin í leiktækin

Við Ingó

Guðný að leika sér

Ásta fyrirsæta

Erum við ekki sæt saman

Úlfrur að fikra sig upp, eina myndin af honum hann var svo upptekin með vini sínum

Guðný

Ásta

Sætu ólíku mæðgurnar

Guðný með pabba og mömmu


Fullt af snjó sá mesti sem hefur komið í vetur

Guðný komin í leiktækin

Ásta að reyna að komast uppá

Guðný með pabba og mömmu en með þeim vill hún helst vera

Komin upp

Þá læt ég þetta duga í bili. Ingó situr hér við hlið mér og er að vinna í verkefni fyrir Háskólann og bráðum ætlum við að fara að sofa. Ég er allavega loksins búin að setja þessar myndir inn komið nú með komment elskurnar mínar.

Snjór og kuldi

Þá erum við mætt í höfuðstað Norðurlands. Sváfum vel út í gær og vorum að dundast fram eftir degi. Úlfur gat ekki beðið eftir að hitta vini sína sem voru auðvitað í skólanum fram yfir hádegi. Ég skellti mér í plokkun og litun og var svakaflott eftir það. Mamma náðí í Kristínu Dögg um hádegið þegar hún var búin í skólanum og þær Guðný fóru strax að leika. Aldís Dagmar kom síðan með sitt bleika hár og hún og Ásta fóru heim til hennar. Við Ingó ákváðum að skella okkur inn í bæ og rölta í búðir sem og við gerðum. Svo hönd í hönd löbbuðum við um bæinn keyptum skyrtu í Perfect og enduðum á Bláu könnunni í kakó, bjór og köku. Það er yndislegt kaffihús svo notarleg stemning og rómantísk veit ekki um neitt svona skemmtilegt kaffihús fyrir sunnan. Borðuðum hjá mömmu og pabba og svo komu Affí og Elli og við sátum og kjöftuðum við þau. Ég keyrði svo Ingó um 9 leytið niður á Vélsmiðjuna til að hitta strákana sem voru nýkomnir. Fór þaðan til Ingveldar og náði í hana og við út í Litluhlíð. Sátum með þeim gömlu og Affí og Ella um stund en fórum svo upp í snyrtileik. Ég fór í nýja dressið sem ég keypti mér áður en ég fór norður og var megaskvísa :-). Fengum okkur hvítvín og bara nutum þess að vera saman ekki oft sem það gerist. Vorum svo mættar á Vélsmiðjuna um 12 leytið og fórum beint inn í eldhús til Ingó og strákana ekta grúppís hehe.. Svo bara skemmtum við okkur rosalega vel dönsuðum og kjöftuðum og kvöldið var alveg frábært. Hitti Rögnvald gáfaðað og Gunna Sig hljóðmann hef ekki séð þá lengi. Síðan kom Fúsi gaman að hitta hann en svo var líka eitthvað af glötuðu liði þarna sem mig langaði ekkert að eiga samskipti við. Þegar maðurinn minn var búinn að spila settumst við Ingveldur aðeins með honum bakvið en svo fór hún heim. Ekki löngu seinna drifum við okkur í leigubílaröðina í skítakulda og það var yndislegt að kúra sama eftir þetta allt saman.

Í dag var grautur í Norró hjá Lillu frænku og við fórum öll nema Ásta sem gisti hjá Aldísi Dagmar. Kristín, Siggi og krakkarnir voru þarna, Maddý og Einar, Siggi og co svo þetta var vel fjölmennt eins og svo oft áður í laugardagsgraut. Úti snjóra og allt er orðið hvítt ég er nú pínu þreytt eftir gærdaginn en ætla að skella mér með Ingó aftur í kvöld og taka myndavélina með mér og taka myndir af bandinu sem þeir setja svo á síðuna sína. Kannski koma Affí og Elli með það væri gaman.

Frost í morgun en helgin byrjar í dag

Það var -6° í morgun og kalt en þó ekki eins kalt og á laugardaginn þegar það var hiti en bilaður vindur. Ég held stundum að ég hafi fæðst í vitlausu landi því ég bara er ekki vetrarmanneskja. Ég ræ að því öllum árum að fá hann Ingó með mér til útlanda sem fyrst, bæði til að prófa eitthvað nýtt og til að komast úr þessum rosalega kulda og myrkri sem hjúpar okkur öll eins og súkkulaði.

En nóg um það ég gleymdi því alveg í gær að við Ingigerður tókum þátt í æsispennandi njósnaleik á laugardaginn. Þannig var að við vorum að koma úr bænum eftir að vera helfrosnar, þó búnar að sitja á Vegamótum og borða heitan mat, og vorum að keyra framhjá 101 hótel þegar við sjáum brúðarbíli Ingibjargar Pálmadóttur standa þar fyrir utan og fyrir innan sjáum við glitta í Jón Ásgeir og Jóhannes. Nú við snérum auðvitað við á punktinum og komum aftur að hótelinu þar sem Jón Ásgeir var að hoppa inn í þennan líka flotta Range Rover og þá ákváðum við að elta hann hehe.. Og við keyrðum um Þingholtin og alveg að kirkjunni og sáum þá stíga út. Nú við ákváðum því næst að keyra og skoða veislusvæðið en þar var allt krökt af securitas mönnum sem greinilega áttu að passa að enginn kæmist þarna nálægt. Nú þá ákváðum við að keyra aftur upp að 101 hótel og freysta þess að sjá Ingibjörgu labba út en auðvitað var þá bíllinn farinn svo við keyrðum bara aftur niður að kirkjunni og reyndum að spæja hvaða fína fólk væri þar að koma inn. Hlógum mikið að þessu uppátæki okkar en fengum spæjarskírteini seinna um daginn hehe...

Nú Ingó er á fullu að klára síðasta verkefnið sitt áður en hann fær kennsluréttindin sín. Mikið verður nú gaman þegar það verður í höfn.

Svo var bara verið að þvo og taka til fyrir ferðina norður en við ætlum að keyra eftir vinnu hjá Ingó í kvöld. Hlakka mikið til að hitta fjölskylduna og elsku Ingveldi mína. Ingó minn heittelskaði er svo að spila á Vélsmiðjunni bæði föstudagskvöld og laugardagskvöld og ég ætla með honum. Ætla að draga Ingveldi og Simma með allavega annað kvöldið og kannski Affí og Ella svo þetta gæti bara orðið mikið stuð. Svo kannski kíkjum við Ingó í búðir gerum það stundum á Akureyri hehe fyndið að fara norður til þess en þá hefur maður bara oft svo mikin tíma til að stússast plús það að bærinn er svo lítill að það tekur ekki langan tíma að skanna hann.

Það verður allavega gott að vera í fríi á morgun.

Miðvikudagur

Það eru að koma jól og ég er ekki byrjuð að kaupa eina einustu gjöf. Á þessum tíma árs er ég vön að vera búin að fara allavega 6x til útlanda, en nei ekki í ár aðeins búin að ná 4 ferðum á þessu ári og hef ekki nýtt þær til jólagjafakaupa. Svo nú verð ég að fara að leggja höfuðið í bleyti og finna út úr þessu. Ég er aldrei voðalega góð í að kaupa jólagjafir því ég veit aldrei hvað fólk vill fá en þetta hefur nú yfirleitt blessast.

Á föstudaginn var Ingó á barnaskólaballi á Hvammstanga en kom aftur heim um nóttina. Ásta fór til Karenar en ég var heima með þau litlu og áttum við voðalega kósý kvöld. Á laugardaginn var Ingó að spila með Softtones hjá Sævari Karli. Ég kíkti með honum og svo kom Ingigerður til mín og ætlunin var að rölta Laugarveginn en kuldinn var þvílíkur að við enduðum bara inni á Vegamótum í mat. Ekki keypti ég neitt í þeirri ferð.

Um kvöldið var svo rosalegt boð á Apótekinu á vegum Senu. Gyða vinkona reddaði mér boðsmiðum í það og ég fór þangað ásamt Ingigerði og Röggu. Ragga er vinkona Ingigerðar síðan í MR og er orðin vinkona mín líka. Við byrjuðum á að fara til Röggu í mat en hún býr lengst í burtu eða uppi í Norðlingaholti. Hún er nýbúin að kaupa sér íbúð sem er rosalega sæt og allt rosa kósý hjá henni. Við vorum allar klæddar í eitthvað rautt, eitthvað svart og eitthvað hvítt því það var dresscode í partýinu. Vorum mættar á Apótekið um hálf 10 ásamt helling af liði sem allt var í svörtu, hvítu og rauðu. Ingigerður þekkti hellinga af fólki ég hitti Þór sem var að vinna á tjaldstæðunum heima hef ekki séð hann lengi. Svo hitti ég Gyðu sem var í rosa stuði og Tony hennar Guðrúnar og fleira og fleira fólk. Mér fannst þetta bara ágætt partý en náði ekki að koma mér í mega stuð. Ingigerður og Ragga sáu um þann pakkann hehe.. Vorum farnar heim um kl 2 og ég fór þá bara upp á Grandhótel en Ingó var að spila þar með einhverju bandi sem hann var að leysa af í . Hann var einmitt að hætta um kl 2 svo við settumst fram með henni Bryndísi Ásmundsdóttur leikkonu sem er söngkona í þessu bandi. Hún er ferlega skemmtileg og við sátum með henni í næstum 1 1/2 klst. Kúrðum svo frameftir næsta dag.

Svo var ég með Salatmaster matarboð var búin að bjóða Ingigerði, Sigtryggi, Pétri og Friðborgu en svo komust Pétur og frú ekki þar sem Tómas var orðinn veikur. Þá auðvitað reddaði hún Ingigerður mér og í þeirra stað komu Geiri og Dögg, Ásdís vinkona frá USA og Gunnar bróðir Sigtryggs og þetta varð hið besta kvöld. Maturinn góður og skemmtilegur félagsskapur. Hefði viljað sjá hana Ásdísi meira og er reyndar boðin í þrítugsafmælið hennar á föstudaginn en ég er auðvitað að bruna norður með honum Ingó mínum. Missi líka af afmælinu hennar Vigdísar en hún er að halda upp á fimmtugsafmælið sitt á laugardaginn. Ásdís og Vigdís til lukku með árin góðu og ég verð í anda með ykkur.

Saumó í gær hjá Kristínu allar mættar nema Dagný og Íris. Rosa flottar veitingar eins og alltaf hjá henni Kristínu minni. Allar hressar Þorgerður að fara til Manchester um helgina og ég dauðöfunda hana hef ekki komið þangað síðan haust 2004 hummm of langt en það árið kom ég líka 5x þangað. Kristín ætlar norður um helgina og svo er Íris að fara til Boston en ég öfunda hana ekki neitt nooooooootttttttt.

Svo fékk ég póst frá Erin í morgun. Hún er að hugsa um að koma 14 des og vera til 7 jan svo þá ætti ég að getað hitt hana helling. Hún sendi mér þessar myndir af krökkunum sínum sem teknar voru á Halloween í New York.

Óðinn var pylsa á Halloween

Kaja var Mjallhvít og hér er hún með vinkonum sínum

Flottar skvísur

Helgi að nálgast

Ég er eitthvað voðalega löt að blogga þessa dagana og enn latari við að setja inn myndir veit ekki hvort það er myrkrið sem gerir þetta að verkum eða það að það er búið að vera mikið að gera í vinnunni.

Set hér nokkrar myndir sem ég tók á Salatbarnum á síðasta fimmtudag af Spútnik

Ingó í stuði

Kiddi Einars

Stjáni söngvari

Ingó og Pétur

Á föstudaginn síðasta flugum við Lóla norður til Akureyrar að jarðarför hennar Petreu mömmu Ingveldar. Mamma sótti okkur og við kíktum heim í Litluhlíð áður en við fórum upp í kirkju. Bibba frænka var í heimsókn og það var gaman að sjá aðeins framan í hana. Athöfnin í kirkjunni var mjög falleg og ræðan góð. Við Lóla fengum svo að sitja í með Þóri og Unu upp í kirkjugarð og sátum hjá þeim í erfidrykkjunni. Gaman að hitta þau öll systkynin sérstaklega Tryggva sem ég hef ekki séð í mörg mörg ár. Alltaf gott að hitta Ingveldi og Simma og nú styttist í að við hittumst aftur.
Eyddi kvöldinu svo með manninum mínum.

Laugardagurinn fór í að redda búning fyrir morðingjamatarboðið. Ingó fór og stillti upp og svo fórum við saman niður í nýja Hljóðfærahús þar sem hann spilaði með Polis bandinu sínu. Hitti þar fullt af fólki sem ég hef ekki séð lengi eins og t.d. strákana úr Hunangi. Svo kom Friðborg hans Péturs með krakkana svo þetta var bara voða stuð. Það var samt komið smá stress í mig að ná að vera klár í tæka tíð fyrir matarboðið en það tókst nú allt. Ingigerður og Sigtryggur náðu í okkur rétt um kl 7. Vorum mætt heim til Andrésar og Helgu rúmlega 7 sem var í góðu lagi Helga á fullu í eldhúsinu og Andrés að blanda drykki. Eiki og Lára koma svo ekki löngu á eftir okkur. Allir komnir í búninga og það erum myndir inni á Facebook hjá Sigtryggi. Spilið var rosalega skemmtilegt og ekki var verra að spæjarinn var í þetta skipti á dvd ekki á "snældu". Kannski var aðeins og mikið um góða drykki í þessu boði eins og oft vill verða förum ekki nánar út í það hehe.. Ingó fór um 12 leytið á Players og ég mætti svo til hans seinna um nóttina.

Sváfum vel út á sunnudaginn og lufsuðumst ekki á fætur fyrr en langt var liðið á daginn. Þá kom Sigyn í heimsókn með strákana en Ingó fór í bíó með þau litlu. Gaman að fá Sigyn til mín við hittum því miður ekki svo oft.

Á mánudag og þriðjudag var Ingó minn í heimaprófi. Fórum reyndar í mat á Salatbarinn í hádeginu á mánudeginum en annars var hann mest að læra þó svo hann tæki sér pásu til að horfa á Smallville sem er uppáhaldsþátturinn hans. Eigum alltaf notarlega stund saman við að horfa á þann þátt. Á þriðjudaginn varð hún Maddý frænka 60 ára. Hún ætlaði ekkert að halda upp á þetta nema bara borða með dætrum sínum heima hjá Þorgerði. En þær systur voru nú heldur betur búnar að plotta og upp úr kl hálf 9 fórum við systkynabörn hennar og makar ásamt nokkrum vinkonum hennar að tínast inn. Hún var auðvitað alveg hissa en ég held rosalega ánægð. Fengum flottar veitingar og höfðum það gott.

Í gær keyrði ég Ingó niður í Háskóla um kl 9:00 þá búinn að vaka alla nóttina við þetta blessaða próf. Ég keyrði hann svo heim og beint í háttinn og hefði helst viljað leggja mig með honum. Gott að þetta er búið, þá er bara eitt stórt verkefni eftir og þegar það er búið þá bara er útskrift :-) Hann var svo á æfingu í gær með Lady D heima hjá bassaleikaranum. Ég var því bara ein heima með krakkana og horfði á Grays og Big Love svo það var bara fínt. Hefði nú viljað hafa Ingó hjá mér en svona er þetta.

Hér er ég svo mætt í vinnu í dag og er að reyna að gera eitthvað af viti. Ingó fer að kenna seinni partinn og svo upp í Húsasmiðju í Grafarholti að spila með Lady D milli 20-22 endilega kíkið uppeftir. Ég ætla að kíkja á hann og skoða aðeins jóladót í leiðinni.

Hér kemur eitt af mínum uppáhaldslögum og textum út Ally McBeal og Ingó þetta er handa þér.

Chances are you'll find me
Somewhere on your road tonight
Seems I always end up driving by
Ever since I've known you
It just seems you're on my way
All the rules of logic don't apply

I long to see you in the night
Be with you 'til morning light

I remember clearly how you looked
The night we met
I recall your laughter and your smile
I remember how you made me
Feel so at ease
I remember all your grace, your style

And now you're all I long to see
You've come to mean so much to me

Chances are I'll see you
Somewhere in my dreams tonight
You'll be smiling like the night we met
Chances are I'll hold you and I'll offer
All I have

You're the only one I can't forget
Baby you're the best, I've ever met

And I'll be dreaming of the future
And hoping you'll be by my side
And in the morning I'll be longing
For the night, for the night

Chances are I'll see you
Somewhere in my dreams tonight
You'll be smiling like the night we met
Chances are I'll hold you and I'll offer
All I have

You're the only one I can't forget
Baby you're the best I've ever met

Salatbarinn

Eftir vinnu í gær fór ég niður í Laugar með Ingó. Nema nú fór hann einn á hraðbrautina en ég fór með Dísu, sem er að vinna með mér, í að taka hendur og maga. Hún er kærasta fótboltaþjálfara Breiðabliks og er sko hörkunagli þegar kemur að æfingum og þjálfun. Óli kærastinn hennar er líka búinn að kenna henni hvernig á að gera þetta svo hún er rosa klár. Þetta var hörku æfing og ég tók sko vel á. Sorry Ingigerður ég bara hélt fram hjá og fór með annarri í ræktina :-). Nú er bara ágætlega hress í dag með pínu vöðvabólgu en annars bara hress.

Ég vil benda öllum á að í dag er sérstakur dagur á Salatbarnum hjá honum Ingvari vini okkar. Ingó er að fara að spila með Spútnik þar kl hálf 1 og ég er búin að draga Möllu með mér þangað. Svo er hann aftur í kvöld með Greifunum svo endilega látið nú sjá ykkur. Maturinn hjá Ingvari er rosalega góður minni þá á sem voru í fermingu Ástu. Vona bara að ég sjái sem flesta.

Svo fer ég norður á morgun með Lólu kem reyndar aftur heima annað kvöld en við erum að fara að jarðarför Petreu mömmu Ingveldar. Næ að sjá mömmu og pabba í leiðinni.

Á laugardaginn er svo komið að hinu frábæra Morðingjamatarboði!!! Á enn eftir að finna bolerojakka handa Ingó sem er hluti af hans gerfi svo ef einhver á svoleiðis þá pls láta vita.

Frétti í gær að Áslaug systir væri frísk og það væri ekkert krabbamein í brjóstunum á henni og sendi henni hér með mínar bestu kveðjur og koss og knús.

Diddi bróðir á svo afmæli í dag elsku bróðir til hamingju með daginn ég á eftir að hringja í þig.

Notalegur vetur

Ég er búin að ákveða að láta ekki þennan dimma vetur ná tökum á mér. Ég ætla að njóta hans til fulls með minni yndislegu fjölskyldu og öllum þeim vinum og vinkonum sem ég á. Hvað er notalegra en sitja á kvöldin með manninum sínum yfir kertaljósi, úti er allt dimmt en inni friður og ró. Þannig ætla ég að taka þessum vetri!

Ásta var heima í gær og er heima í dag vona þó að hún sé orðin aðeins skárri. Greyið ekki mjög sátt við að þurfa að liggja svona lengi. Búin að vera með hausverk og hita og bara farin að þrá að hitta vinkonur sínar.

Við Ingó drifum okkur í ræktina í gær. Mikið er ég glöð að hann skuli tosa mig svona áfram það er svo miklu skemmtilegra að fara með honum, ef ég þyrfti að fara ein þá bara færi ég örugglega ekki neitt. Ég var nú enn pínu slöpp en tók ágætlega á og svo teygðum við vel á uppi á eftir. Baráttan við kg er að vinnast hægt og bítandi og nú eru farin 10kg síðan í byrjun sep geri aðrir betur. Verð orðin svakaskutla um jólin :-)

Eyddum svo gærkvöldinu í rólegheitum, Ingó leigði mynd handa okkur og keypti smá nammi (hehe má smá) og Ásta kom upp og horfði með okkur. Við kveiktum á kertum og höfðum það rosalega kósý.

Læt svo fylgja með í lokinn texta sem mér finnst alveg frábær við lag eftir Aerosmith og sendi manninum mínum það í morgungjöf :-)

I don't want to miss a thing

I could stay awake just to hear you breathing,
Watch you smile while you are sleeping,
While you are far away and dreaming,
I could spend my life in this sweet surrender,
I could stay lost in this moment forever,
Where a moment spent with you is a moment I treasure,

(Chorus)
I don't want to close my eyes, I don't want to fall asleep,
Cause I miss you baby, And I don't want to miss a thing,
Cause even when I dream of you, the sweetest dream will never do,
I still miss you baby and I don't want to miss a thing

Lying close to you feeling your heart beating,
And I wondering what you are dreaming,
Wondering if it's me you are seeing,
Then I kiss your eyes and thank god we're together,
I just want to stay with you in this moment forever and forever forever

(Chorus)

And I don't want to miss one smile,
I don't want to miss one kiss,
I just want to be with you right here with you,
Just like this, I just want to hold you close,
I feel your heart so close to mine
And just stay here in this moment,
For all of the rest of time

Rigning

Mikið er hryllilega dimmt úti á morgnana. Í gær þá ætlaði ég bara ekki að hafa mig úr rúmi. Það var rok og rigning og við hliðina á mér svaf hann Ingó minn vært. Krakkarnir voru hjá tengdó nema Ásta sem svaf niðri enn veik. Hún kom nokkrum sinnum og vakti mig þessa nótt þannig að ég var frekar þreytt þegar morgun kom. Eða morgun ég bara skil ekki afhverju við breytum ekki klukkunni eins og grannar okkar gera. Færum hana aftur um 2 klst það væri frábært. Nú ég ákvað að mæta bara kl 9 og njóta þess að það væri enn vetrarfrí og ég gæti leyft mér það. Svo ég skveraði mér úr bóli og tók mig til. Þegar það var búið læddist ég inn til mannsins míns og kyssti hann sofandi á kinnina og hugsaði með mér;"Mikið langar mig að leggjast uppí og kúra með honum"

Dagurinn var s.s. ekki merkilegur það var rólegt í vinnunni bæði vinnulega séð og svo vantaði helmingin af starfsfólkinu sem var á einhverri ráðstefnu. Mér tókst að láta daginn líða á einhvern hátt en var ósköp glöð þegar Ingó sótti mig um 5 leytið. Við fórum heim og kíktum á nokkra bíla á netinu því mikið ósköp langar okkur í nýjan bíl. Ingó eyddi deginum í að byrja að lesa undir heimapróf sem hann tekur í næstu viku. Eins var hann í því hlutverki að skutla Guðnýju og Jasmín út um allt og snattast fyrir heimilið. Ásta enn veik kannski aðeins skárri en samt alls ekki nógu góð.

Nú það var saumó hjá Dagnýju í gær. Lóla sótti mig og við vorum mættar fyrstar. Ég hafði ekki séð Dagmar litlu áður og hún er nú meira krílið voðalega sæt. Það mættu allar nema Heiðrún sem var heima veik og Íris sem komst ekki. Það var voða gaman að hitta á allar skvísurnar maður hlakkar alltaf til þessara reglulegu funda okkar.

Kom heim í kringum 11 og við Ingó kjöftuðum um stund fyrir framan sjónvarpið áður en við fórum að kúra.

Í morgun var enn meiri rigning og enn meira myrkur langaði bara að draga sængina yfir höfuð. Náði að koma Ingó og krökkunum úr bóli en Ásta er enn heima. Nú er bara að láta daginn líða og svo ætla ég að draga manninn minn með mér í ræktina eftir vinnu.

rigning, frost, veikindi ammæli og fleira

Jæja mikið er ég að verða löt við að blogga. Vil byrja á að þakka fyrir margar og góðar afmæliskveðjur bæði handa mér og syni mínum sem varð 9 ára þann 2 nóv. Það er nú hellingur búinn að gerast og það helsta er að aðfararnótt þann 29 okt á afmælisdaginn minn kvaddi hún Petra Konráðsdóttir þennan heim og fór að því ég trúi á betri stað. Hún Petrea var mamma hennar Ingveldar vinkonu minnar sem er búin að vera vinkona mín síðan í öðrum bekk í menntó. Það er ekki svo lítill tími og þar af leiðandi var hún Petrea hluti af mínu lífi líka. Ég hitti hana í sumar þegar hún var nýlega greind með krabbameinið sem svo flýttir fyrir hennar för héðan af jörðinni. Það var gaman að sjá hana í sumar því hún var bara hress og ég mun eiga þessa góðu minningu alla tíð. Elsku Ingveldur mín og Simmi allar fallegar hugsanir eru hjá ykkur og við sjáumst á föstudaginn þegar við Lóla komum að jarðarförinni. Simmi minn ég vona að þú verðir búinn að jafna þig á botnlangabólgunni.

Nú annars var nú ekki mikið að gerast hjá mér í þessari viku. Fórum jú í mat til Lindu og Ása á þriðjudagskvöldið og fengum þetta líka fína læri. Ætlaði svo að ná að hitta hana Lindu mína meira í þessari viku en er bara búin að vera slöpp og greindist með kinnholubólgu á föstudaginn fór ekki í vinnu þann daginn heldur var bara heima eins og slytti. Okkur var boðið í útskrift hjá Dabba hennar Erlu vinkonu á föstudagskvöldið en komumst auðvitað ekki þar sem ég lá bara veik heima. Úlfur minn varð 9 ára á föstudaginn og þar sem þau eru öll búin að vera í vetrarfríi var ekkert gert til að bjóða bekknum heim. En Ásta bakaði köku handa honum og svo fékk hann Liverpool búning frá okkur og fyrirliðaband óskagjöfin hans. Svo fékk hann fleiri fallegar gjafir og var alsæll. Um kvöldið leigðum við mynd handa honum og keyptum nammi og áttum fjölskyldustund saman. Ingó var að spila á laugardaginn en hér í bænum sem betur fer og þurfti ekki fyrr en um kl 11. Laugardagurinn fór í svo sem ekki neitt Ingó að stilla upp ég að rúnta með krakkana planið var að við Ásta færum til Lindu en svo fékk Ásta hita og í dag er hún enn veik. Svo ég náði bara ekkert að hitta meira á þig Linda mín hlakka bara til að sjá þig í des þegar þú kemur aftur.

Arndís og Geiri komu í mat í gær með Birnu Rún það var voða gaman sú stutta voða skott. Var svo alveg búin á því í gær, við Ingó vorum að horfa á mynd og ég lagðist með höfuðið í kjöltu hans og steinsofnaði við að hann strauk mér um hárið það var ljúft.

Svo er saumó hjá Dagnýju í kvöld ætli maður kíki ekki í smástund þó ég gæti nú verið hressari maður hressist við að hitta stelpurnar :-) Nóg í bili.

Ammæli í dag

Í dag er ég afmælisskvísa. Þakka öllum sem eru búnir að hringja, senda sms eða spjalla á emaili eða msn í dag. Mikið er ég rík af vinum. Átti yndislegan dag í gær með fjölskyldunni minni í sól og frosti uppi í Heiðmörk tókum fullt af myndum sem ég hendi inn seinna. Hitti svo Lindu og Ása aðeins í gærdag gaman að hitta hana Lindu mína aftur. Nú á föstudaginn komu Ingigerður og Sigtryggur í mat og það var meiriháttar kvöld borðuðum góðan mat, spiluðum lúdó og drukkum kampavín. Kíkti svo á Gaukinn með Ingó hann átti að vera að spila þar, illa mætt hættu snemma. Svo var laugardagurinn rólegur Ingó að stilla upp í Valsheimilinu spilaði á árshátíð þar um kvöldið. Ég var heima róleg það kvöld. Annars bara allt gott að frétta....

vikan

Það má nú segja að ég sé löt að blogga hef bara ekki skrifað lengi lengi. Skrapp með Ingó á Players á föstudaginn ætlaði ekkert að stoppa en ílengdist svo þar sem ég hitti vinnufélaga minn og lenti á kjaftatörn við hann. Vöknuðum snemma á laugardeginum og skelltum okkur á Krókinn með Spútnik. Allir fóru með bílnum nema Kiddi K og Unnur því Kiddi var að sjá um árgangsmót á Króknum og það var nú ástæðan fyrir ballinu. Gistimál klikkuðu svo við Ingó leigðum okkur lítin rosalega sætan sumarbústað bakvið hótel Tindastól. Allt úr viði og voða kósý. Svo var okkur boðið í mat til Kalla Jóns sem er fyrrum trommari Herramanna (vinur Stjána söngvara og Kidda K). Hann og Guðný kona hans búa í litlu sætu húsi á Króknum og þangað fórum við öll nema Kiddi K og Unnur sem voru í mat með árgangsliðinu. Mætt voru líka Árni og Hófí frá Reykjavík vinir þeirra og það kom í ljós og sonur þeirra hafði verið með Ástu á leikskóla. Boðið var upp á lambalæri og meðlæti sem var alveg rosalega gott. Svo var farið inn í stofu og setið yfir eftirréttum og drukkið gott með því. Við Ingó fórum svo um hálf 11 og lögðum okkur hálf þreytt eftir fyrra kvöldið. Krakkarnir voru hjá tengdó og Ásta hjá vinkonum sínum. Mamma og pabbi voru enn í Reykjavík en fóru á sunnudeginum heim. Svo við vorum bara róleg þarna saman tvö. Kl rúmlega 12 mættum við á ballið. Það hitti ég Unni hans Kidda og við vorum saman út ballið enda er hún alveg frábær stelpa. Nú það var stappað á Hótel Mælifelli sem var gott fyrir buddun okkar hehe... Þegar ballinu lauk voru hinir meðlimir bandsins búnir að fá nóg og eftir rót komu Kiddi Einars og Pétur með okkur Ingó upp í kofann okkar litla og sæta og ræddu þar málin fram til kl 7. Nú gott var að sofna og þar sem það var ekkert stress að skila húsinu næsta dag þá sváfum við út og pöntuðum okkur pizzu og höfðum það næs. Ákváðum svo að fara ekkert heim með strákunum enda fóru þeir alltof snemma að okkar mati heldur fengum far með Kidda K og Unni og fórum ekkert fyrr en hálf 6 í bæinn. Var nú frekar þreytt á mánudaginn get ég sagt ykkur.

Nú á þriðjudaginn var saumó hjá Siggu Dís. Rosalega huggulegt hún var með mexíkanska kjúklingasúpu og bauð svo upp á kökur og nammi á eftir Sigga mín takk fyrir frábært kvöld. Allar mættar nema Dagný og Fjóla. Það var að venju mikið hlegið og spjallað og þetta var meiriháttar skemmtilegt kvöld. Stelpur gleymdum að ákveða hver á að halda næst!!!

Nú helstu fréttir úr líkamsræktarmálum eru þær að eftir mikinn dugnað og mikinn aga þá hef ég komist niður úr tölunni 70 og eitthvað... Mældist 69,90kg í dag í Laugum það þýðir að um 8kg eru fokin og ég segi bara húrra fyrir sjálfri mér!!!!!!!!! :-) Nú held ég bara ótrauð áfram og þá verður nú gaman að fara í kjólin um jólin.

Helgin nálgast planið að borða með Ingigerði og Sigtryggi á morgun hér heima hjá okkur. Það verður ljúft höfum lítið hist undanfarið en bætt okkur það upp með emailum og svo á facebook. Allir að koma á facebook. Svo er Ingó á Gauknum þar á eftir og líklega kíki ég á hann. Svo er hann á árshátíð Húsasmiðjunnar á laugardaginn þá verð ég bara róleg heima nema einhver góð vinkona bjóði sér í heimsókn...

Skelli hér inn nokkrum myndum úr keiluferð okkar saumó gella hér í haust.

Fjóla stigavörður klár í slaginn

Malla mundar kúluna

Þorgerður tilbúin í slaginn

Malla í stuði enda vann hún okkur í þetta skiptið

Skvísan í keilu

Og hér er keilugengið Þorgerður, Malla og Fjóla hvar eruð þið hinar hummmmm

Glæsilegar frænkur við Malla saman