Komin á ról

Jæja mætti til vinnu í gær. Kannski ekki alveg eins og ég átti að mér að vera en samt þó bara ágæt. Er að vinna að undirbúningnum að fyrsta Sjónvarpsvísi Suðurlands sem kemur út á fimmtudaginn. Alltaf einhverjir byrjunarörðuleikar en þetta kemur allt. Átti náðugan dag eftir vinnu bjó til pizzu og svo kíkti Sella eftir kvöldmat. Guðný og Ingó fóru í klippingu og Guðný bað um skátopp og ætlaði auðvitað að hann yrði síður og flottur en endaði með stuttan skátopp og gjörsamlega grét úr sér augun í gær þar sem hún heldur bekkjarafmælið sitt á föstudaginn og ætlaði að vera svo flott. Mér finnst hún reyndar voða sæt og Ingó var mjög flottur með sína klippingu. Hann æfir og æfir í World Class farin að sjá þvílíkan mun á honum. Ég mætti svo kl hálf 7 í morgun upp á Nordica Spa og nú eru bara 2 dagar eftir og þá eru 4 vikur búnar. Sé hellings mun og svo er bara að halda áfram. Hlakka bara til að fá út úr loka mælingunni. Svo fer ég í klippingu á morgun og verð orðin voða fín fyrir afmæli Ingigerðar sem er á laugardaginn. Nú Ingó er að spila á morgun á Oliver með Lady Di and the softtones (sorry veit ekki hvort rétt skrifað) Endilega komið nú sem flest með mér að horfa á! Svo er hann með Greifunum á föstudag og laugardag svo kannski kíkir maður á föstudaginn langt síðan ég hef séð þá. Svo það er nóg að gera og svo er það bara Police í næstu viku í Amsterdam og það verður æði. Margt að hlakka til og margt að gleðjast yfir í þessum heimi...