ég hef ekkert að blogga um svo ég á ekki von á því að það verði mikið skrifað hér í vetur. Skólinn er leiðinlegur þar sem fögin sem ég er í eru að drepa mig og ég nenni þessu ekki. Ef ég væri ekki hálfnuð myndi ég líklega hætta. Tilhlökkunin er þó sú að næsta vetur er ég meira og minna í valfögum og skrifa BS ritgerðina mína með Andreu minni og það verður bara gaman. Ég er að reyna að vera dugleg í ræktinni og það lufsast einhver grömm af manni en ég mætti vera enn duglegri en það er lítill tími með stórt heimili og skólann og allt það.
Fórum í bústað til Didda um daginn og það var næs og svo keppti Úlfur í fimleikamóti á Selfossi sömu helgi og hans hópur í hópfimleikunum varð í öðru sæti svo allir glaðir. Ásta er að læra á bíl og gengur bara vel og Guðný er glöð að vera búin að fá Jasmín aftur heim frá Indlandi.
Góða helgi
About Me
- Thordisa
- Ég er Mývetningur fædd og uppalin. Bý í Reykjavík með mínum heitt elskaða honum Ingó mínum og börnunum okkar þremur Ástu ´93, Guðnýju ´97 og Úlfi ´98. Búum í Laugardalnum og elskum það. Ég er ferðamálafræðingur úr Ferðamálaskóla Íslands útskrifuð 2001 og hef unnið hjá ÍT ferðum, Flugfélagi Íslands og Icelandair. Síðast var ég að vinna sem söluráðgjafi hjá Gutenberg prentsmiðjunni. Núna er ég nemi í Háskólanum í Reykjavík þar sem ég legg stund á viðskiptafræði. Ég er heppin að eiga yndislega fjölskyldu og helling af bestu vinum sem til eru í heiminum. Lífið leikur við mig...
3 comments:
Bara halda áfram í skólanum, búin með allt of mikið til að hætta og svo verður þetta liðið áður en þú veist af. Vorum að borða hangikjöt úr sveitinni, og þvílíkt sælgæti. Buðum Sibba og Hafdísi í mat, hefur staðið til lengi, og létum semsé verða af því núna. Annars allt gott, mamma og pabbi bærileg, allt under control eins og sagt er. Kv affí
Leiðinlegt ef þú hættir alveg að blogga. Mér finnst gaman að lesa það sem þú skrifar. Vorönnin er alveg að verða hálfnuð og þá getur þú sagt að það sé bara einn vetur eftir.
Hafðu það gott bið að heilsa.
Kveðja, Lóla
Lóla þú átt að vera á facebook þegar þú ert í útlöndum þá væri ég alltaf að skrifa eitthvað hjá þér!!! Farðu nú að opna síðu....
Post a Comment