komin heim

Komin heim í sólina á Íslandi. Held að allir hefðu verið til í að vera aðeins lengur okkur leið svo vel en mér fannst þó gott að koma í mitt hús aftur. Síðustu dagarnir voru notaðir til að ligga í sólbaði bæði við sundlaugina og eins fórum við góða ferð á ströndina. Fórum út að borða allt gengið á sunnudaginn s.s við, Pétur og co og Óli og co á mexíkanskan stað sem var með barnaleikvelli innan dyra. Og ekki löngu eftir að við vorum búin að láta raða upp borði fyrir 15 þá kom önnur Íslendingaklíka og lét setja upp borð við hliðina á okkur og voru álíka mörg. Eftir matinn fór Óli heim með sitt lið og Ásta og Sigga tóku Tómas heim með sér en við Ingó með okkar 2 og Friðborg, Pétur og Eygló röltum eftir strandveginum og fórum í karókí. Skemmtum okkur vægast sagt mjög vel. Pétur og co fórum þó heim á undan okkur en við Ingó mættum heim með þau litlu um hálf 3 um nóttina híhí. Þetta var pínulítill staður og ekki nema 2-3 fjölskyldur þarna með okkur og hún Guðný sló alveg í gegn söng og söng og allir þvílíkt hrifnir. Úlfur meira að segja söng 2 rapplög geðveikt flottur og svo sungum við Ingó helling líka meira að segja eitt lag saman :-)
Síðasta daginn þegar við vorum búin að pakka öllu fluttum við og Pétur og co inn til Óla og Hildar og fengum afnot af öllu þar. Svo fóru "stóru" strákarnir með Úlf á bílnum hans Óla í Go-kart og eyddu deginum þar en við stelpurnar vorum í sólbaði og löbbuðum síðan inn í bæ. Síðustu 3-4 dagarnir þarna voru þeir heitustu sem við áttum held ég. Nú töf á flugvellinum eins og alltaf og við komum til Íslands um 04:00 um nóttina og þá var að fríhöfnin og töskurnar og keyra heim og allt það. Þegar við vorum svo nýbúin að keyra Siggu heim sem býr ekki langt frá okkur dó rauði bíllinn og við urðum að hringja á stóran taxa og láta keyra okkur heim frekar fúlt.

Í gær fórum við svo á stúss, borga HR, fara með vottorðið fyrir tengdó á sumarferðir og fleira í þessum dúr. Fór svo til Ingigerðar og sat í bongóblíðu og sól úti á svölum hjá henni þar til Ingó sótti mig og við fórum í mat til tengdó. Áttu svo rólegt kvöld heima í gær. Á eftir að henda hér inn myndum þarf að eyða smá tíma í þann pakka. En endilega verið í bandi og þeir sem ekki hafa nýja númerið mitt þá er það 661-9958.