Líkamsrækt, súpur og samningar

Búið að vera nóg að gera undanfarið. Mætti í ræktina á laugardaginn með Sædísi. Tókum brennslu og svo góðan tíma í pottunum og nuddinu. Rosa næs enda hef ég ekki hitt hana lengi. Um kvöldið var hann Gummi frændi minni sonur Sigynar mágkonu með sína fyrstu tískusýningu þar sem peysulínan hans var kynnt ásamt buxum og kjólum sem hann hefur hannað. Þetta var alveg frábær sýning þó svo hávaðinn hafi verið meiri en góðu hófi gegnir. Á sunnudaginn eldaði ég súpu til að eiga í þessari viku því prógrammið í vikunni er að borða eðlilega fram að hádegi en svo bara vera á fljótandi fæði. Og ekki misskilja við erum ekki að tala um að drekka bara vatn. Heldur taka 3-5 ávexti og mauka þá, taka grænmeti og mauka það og borða svo holla og góða súpu maukaða. Þetta gerum við til að létta á meltingunni og fá fullt af vítamínum og steinefnum. Nú svo fór ég á stúfana með Áslaugu systur, Arnhildi, Margréti og Guðnýju löbbuðum um í Smáralindinni og þær voru svona að versla. Affí og Valdemar komin suður og hann fékk íbúðina sína á görðum í gær. Nú pabbi, mamma, Áslaug og Margrét fóru til Þýskalands í gær og þau gömlu koma eftir 6 vikur. Ég fór til Lindu í hádeginu í gær og hún bauð mér upp á þetta dýrindis kjúklingasalat og speltbrauð og við áttum huggulega stund saman. Annars er það markverðasta úr vinnunni að ég skrifaði undir stóran samning fyrir hönd Gutenbergs við 2B Company. Það er fyrirtæki í eigu Bigga Nielsen og hans Björgvins sem ég vann eitt sinn með á ÍT ferðum. Við vorum s.s að taka að okkur að prenta Sjónvarpsvísi Suðurlands fyrir þá endilega skoðið hér þessa fínu mynd sem var tekin af okkur www.gutenberg.is

Nú svo var saumó í gær hjá Möllu við allar mættar voða gaman mikið hlegið og gott að við erum búnar að starta þessu í vetur.

Svo var ég mætt kl hálf 7 upp á Nordica og þar var tekið vel á svo þetta er allt á góðri leið.