Loksins frábært helgarveður

Frábær helgi að enda. Búin að vera löt að blogga undanfarið en hér er smá upprifjun á vikunni. Úlfur og Guðný eru á Akureyri svo við erum bara hér með Ástu. Hitti Gyðu vinkonu á miðvikudaginn eftir vinnu. Fór heim til hennar og eyddi öllum eftirmiðdeginum með henni og krökkunum hennar. Líf og fjör í kringum hana þar sem hún er með einn gutta sem verður 1 árs í lok ágúst og svo 6 og 11 ára þar að auki og þetta er bara á góðum degi þegar hún er ekki með 2 fóstursyni sína 5 og 11 ára. Svo þið sem haldið að það sé mikið að gera hjá ykkur með 2-3 börn prófið þetta híhí. Nú það kvöldið fórum við Guðrún vinkona á Sólon fengum okkur smá snarl og hvítvínsglas með. Rosa gaman að hitta hana ekki séð hana síðan í matarboðinu í vor. Nú svo tók vöðvabólgudagur við á fimmtudaginn og ég fór ekki í vinnu. Fór svo í nudd til Unnar næsta morgun og var hálfdauð og hún sagðist aldrei hafa séð mig svona slæma ekki gott mál það. Vill að ég fari í sund og pottana og nái þessu úr mér. Fórum svo með Ingigerði og Sigtryggi á Eldsmiðjuna um kvöldið og fengum rosa góðar pizzur og svo bara heim. Í gær sátum við Ásta úti á svölum og fengum báðar lit. Fórum svo öll þrjú niður í bæ og fengum okkur síðbúinn lunch á Sólon og ég get sagt ykkur að Ásta er að fíla sig vel svona ein með okkur. Sóttum svo Lubba og við Ásta gengum með hann frá Víkingsheimilinu og alla leið út í Nauthólsvík þangað sótti Ingó okkur. Ingigerður og Sigtryggur voru í brúðkaupi og einhver þurfti að hugsa um greyið. Veðrið var æði 18 stig og pottur í Fossvoginum svo við gengum á hlýrabol alla leiðina ekki slæmt. Rólegheit í gærkvöldi. Byrjaði svo daginn í dag á að fara með Ástu uppeftir til Sædísar og Heimis þar sem setið var úti á verönd í algjörum sólarpotti. Stákarnir þeirra svo miklar dúllur að Ásta var alveg heilluð. Sædis komin með barnapíu :-) Svo heim og löbbuðum með Ingó á Subway og svo fórum við Ásta til Möllu og sátum þar úti heillengi bökuðum vöflur og höfðum það næs. Fórum svo heim sóttum Ingó og svo aftur til þeirra í kjúkling og svaka meðlæti og svo ís á eftir. Þetta var sko alveg ótrúlega fínt og ég svo södd að ég er að deyja. Svo þetta er búin að vera fín helgi. Á morgun byrjar golfnámskeiðið okkar Ingó og ég er mjög spennt. Vona að veður verði áfram gott.

Hér koma svo myndir úr 15 ára útskriftarafmælinu sem ég átti eftir að setja inn.

Hjörvar, Pálmi, Maggi Teits, Brynhildur, Finnur og Stína


Bjartey og kærasti hennar og hann Ingó minn

Maggi Teits, Brynhildur og Pálmi

Pálmi, Hjörvar(nýbúin að hella ofaní töskuna mína) og Árný

Ég með henni Stínu sem var í svaka stuði þetta kvöldið og vildi bara fara upp í höll að sjá Jóna og stákana í Svörtum fötum.

Stuðboltar Árný, Ragnhildur Reynis og Hjörvar

Pálína úr mínum bekk og maðurinn hennar náði bara ekki mynd af henni með opin augu

Ingó auðvitað dregin með mér á 15 ára fögnuðinn

Hrönn og Pálmi

Pálmi og Maggi alltaf í banastuði enda með svo skemmtilegu fólki þetta kvöld.

Hefði gjarnan viljað sjá fleiri en við bara höldum vel upp á þetta þegar við verðum 20 ára stúdentar jeminn það meira að setja styttist í það. Saknaði þín Systa þetta kvöld hvað varð um þig?? Svo hefur sú umræða farið af stað að hittast í Reykjavík og skemmta okkur saman og það er nú bara málið að plana það og láta af því verða fyrir næsta vetur.

Svo koma hér nokkrar myndir úr stúdentsveislunni hans Valdemars "litla" frænda míns sem er er að fara í verkfræði næsta vetur í HÍ ha ha frekar fyndir því ég er viss um að hann er bara rétt orðin 10 ára ef hann þá nær því eða ja hér koma myndir svona líður tíminn hratt!!!

Orðinn stærri en frænka gamla sem var 15 ára stúdent þennan dag

Og hér með pabba, mömmu og Aldísi skvísu sem er að verða 16 ára

Úlfur og amma Hilla

Guðný og amma Sella sem kom með okkur norður

Líney Rut mætt í veisluna til Valdemars

Veisluborðið takið eftir áletruninni á kökunni

Og hér er hann gulldrengurinn hennar mömmu sinnar

Eru þau ekki sæt systkynin

Svo koma nokkrar myndir af veislugestum

Enda þetta svo hér í dag og óska eftir sól á morgun. Brynja og Lóla setja inn myndir af ykkur á bloggið bíð spennt eftir fréttum frá ykkur.