Sumarfríið búið

Eitthvað er ég löt að koma mér af stað eftir sumarfríið. Nenni ekki að vinna og nenni ekki að blogga. En er hinsvegar búin að vera dugleg að laga til heima hjá mér. Síðasta vika var bara nokkuð viðburðarrík byrjaði á Nordica Spa á lúxusnámskeiði og mætti mán,mið og fös í stöðvaþjálfun þar sem hoppað var á trampólíni, boxað, hjólað og magaæfingar æfðar af krafti. Síðan þið og fim fór ég í tækjasalinn með góðum þjálfurum sem komu mér inn í þær pintingar sem mér finnst tækjasalur vera he he. En stelpan stóð sig vel náði 1 cm af maganum og fór niður um 300g í fitumælingunni er það ekki bara nokkuð gott þó enn sé af nógu að taka. Tók svo mataræðið alveg í gegn og verð sjálfsagt búin að gera fjölskylduna bilaðan á endanum híhí nei nei þau standa alveg með mér í þessu öllu. Nú ég hitti Lindu svolítið í vikunni, Stefán hennar Aldísar var hjá okkur um helgina og svo fór ég upp í bústað á laugardaginn því Láki frændi varð 70 ára gamall. Hann bauð í mat í Þrastarlundi og vorum við rúmleag 35 saman komin þar. Því miður var Ingó ekki með hann var á Akureyri að spila. Eftir matinn var farið í bústað Didda og kökur snæddar og endað á að kveikja varðeld í fjörunni enda var veðrið æðislegt algjör stilla og undurfallegt að sjá. Kíkti svo í bústaðinn sem Láki, Lilla og Jonni eru með hinumegin við vatnið og fór í pool við Sigga hennar Kristínar sem gjörsamlega rústaði mér enda æfði hann snóker bara svo það sé á hreinu! Þetta var s.s. hin besta helgi. Náði að versla í matinn og undirbúa vikuna og nú ætla ég að fara að prófa bókina hennar Sollu grænu baunir og fleira sem ég hef aldrei gert. Vaknaði svo kl 6 í morgun og mætt í ræktina 6:30 og tók vel á því. Planið í vikunni æfa meira, hitta Arndísi hjálpa kannski við að mála nýju í búðina, kaupa skóladót, fara á Tupperware kynningu hjá Beggu ÍSÍ gellu og bara hafa það næs.